Binogi

Salaamu calaykum soo dhawoow Binogi. Magacaygu waa Rosalia, waxaanan ahay mid ka mid ah caawiyayaasha cilmi-baarista ee Mashaariicda ESCAPE. Maanta, waxaan ku tusi doonaa sida Binogi loogu isticmaali karo guriga adiga iyo ilmahaaga.  

Binogi waa aalad wax barasho onlayn ah oo bixisa muuqaalo waxbarasho oo xisaab iyo saynis ah. Macallinka ilmahaagu wuxuu u isticmaali doonaa Binogi siyaabo kala duwan: waxay isticmaali karaan fiidiyowyada ka hor, inta lagu jiro, iyo/ama ka dib casharka fasalka. Waxa kale oo ay u abuuri karaan ardaydu hawlo ay ku daawadaan fiidyaha oo ay ku sameeyaan su’aalaha guriga.  

Marka ilmahaagu yeesho akoon Binogi, sidan waa sida boggooda Binogi u egyahay. Sida aad arki karto, waxqabadyadoodii ugu dambeeyay waa la soo bandhigay, si aad si fudud u hubiso waxa ilmahaagu ka baranayo dugsiga. Haddii fiidiyowyada iyo su’aalaha uu macalinkoodu u xilsaaro ilmahaaga, tani waa sida ay ugu egtahay boggooda guriga. Magaca casharka Binogi, hawlaha, iyo taariikhda la filayo iyo wakhtiga ayaa la tilmaamay. 

Fiidiyowgaan, aan sheegno in ilmahaagu horey u daawaday fiidiyoow ku saabsan “Taariikhda Isbeddelka Cimilada” oo uu ku sameeyay Kediska 1 dugsiga, waxaadna jeclaan lahayd inaad casharka dib ula eegto ilmahaaga. Waxaad ku gujin kartaa hoosta “Howlahaaga” ama waxaad ku qori kartaa mashiinka raadinta.  

Fiidiyowgu wuxuu leeyahay sifooyin dhowr ah: 1) Waxaa jira qoraal muuqaal ah oo ka hooseeya muuqaalka; 2) waxaad xakameyn kartaa xawaaraha; 3) waxaad dib u soo celin kartaa fiidiyowga dhowr ilbiriqsi; iyo 4) waxaad u dooran kartaa luqadda lagu hadlo iyo qoraal hoosaadka. Tusaale ahaan, aan dhahno luqaddaada koowaad waa Dari. Waxaad u dooran kartaa “Dari” sida luqadda lagu hadlo oo waxaad dooran kartaa “Ingiriisi” qoraal hoosaadyo.  

Markaad daawato fiidiyowga ilmahaaga, waxaad isticmaali kartaa badhtan ‘ciyaar’ iyo ‘hakis’ si aad u joojiso fiidiyowga oo aad kala hadasho ilmahaaga waxa ku jira wakhti kasta. Waxaad sidoo kale waydiisan kartaa ilmahaaga inuu kuu sheego casharka ka hor inta aanad wada daawan muuqaalka. Waxaan kugu dhiirigelinaynaa inaad la wadaagto khibradaada ku saabsan mawduuca maadaama ay kobcinayso hadalka ilmahaaga. Tusaale ahaan, waxaa laga yaabaa inaad la kulantay masiibo dabiici ah oo ay ugu wacan tahay isbeddelka cimilada ee dalkaagi ama markaad safarka ku jirtay. Wadaagista sheekooyinkaaga kaliya ma kordhinayso dhiirigelinta ilmahaaga iyo ka qaybgalka waxbarashada, laakiin sidoo kale waxay siinaysaa fursad ay wax badan u sii waraystaan oo ay cilmi-baadhis u gaar ah sameeyaan. Sidoo kale, waxay kuxirantahay mawduuca iyo sheekooyinkaaga, waxay ka caawin kartaa ilmahaaga inay balaariyaan aragtidooda oo ay wax badan ka bartaan dhaqamada iyo wadamada kale. 

Ugu dambeyntii, waxaa jira 3 su’aalood. Sida fiidiyowga, waxaad bedeli kartaa luqadda. Fadlan ogow in su’aalaha lagu dalbado dhib waxayna ka kooban yihiin doorashooyin badan, buuxi meelaha bannaan, iyo jawaabo qoraal ah. Waxaad dhibaatada wada xallin kartaan ilmahaaga ama waxaad taageeri kartaa marka ay u baahan yihiin caawimadaada.  

Haddii adiga iyo ilmahaagu aad jeclaan lahaydeen inaad wax badan ka barataan mawduuca ama mawduuca la xidhiidha, waxaad si fudud u heli kartaa fiidiyowyada mawduucyadaas adigoo isticmaalaya mashiinka raadinta. Tusaale ahaan, aan nidhaahno adiga iyo ilmahaagu waxaad jeclaan lahaydeen inaad wax ka barataan “gaaska cagaaran” ka dib markaad daawato “Taariikhda Isbeddelka Cimilada”. Ku qor “gaaska cagaaran” mashiinka raadinta, ka dibna waxay tusi doontaa liiska fiidiyooga ee la xidhiidha “gaaska cagaaran”. Waxay muujinaysaa inay jiraan 55 fiidiyow oo ku saabsan “gaaska cagaaran”. Halkan, waxaad ku soo koobin kartaa raadinta maaddo iyo luqad. Waxa kale oo aad ka heli kartaa muuqaal leh su’aalo kaliya adigoo gujinaya bar kan.  

Waxaan rajeynayaa in muuqaalkani uu ahaa mid wargelin ah oo aad dareento raaxo badan inaad ilmahaaga ku taageerto guriga Binogi.  

Mahadsanid!